*CHAPTER 12*
Inaantok pa ‘ko pero narinig ko na ‘yung alarm clock ko na tumutunog. Gusto ko pa matulog pero pinilit kong bumangon kasi may lakad kami ni Cedrick. Pagbangon ko, napatingin ako sa kama ni Abby. Mahimbing na mahimbing pa ‘yung tulog niya at naghihilik pa. Kahit tinatawag pa ako ng kama ko pabalik sa pagtulog, tumayo na ‘ko. Kumuha ako nang malinis na towel sa drawer, at saka dumeretso sa banyo para maligo. Pagtama ng tubig sa katawan ko, doon mas nagising ‘yung diwa ko at nawala ‘yung antok ko. Nang makaligo na ‘ko, nagpunta ‘ko sa kitchen para maghanap ng makakain. Binuksan ko ‘yung ref. at kinuha ‘yung box ng fresh milk, tapos ‘yung cereals na nasa ibabaw naman ng ref. Pareho ko ‘yon ipinatong sa ibabaw nang maliit na lamesa namin, at saka ako kumuha ng bowl at kutsara.
