I
Nagising si Rom na medyo masakit ang leeg at sintido at wala na si Theresa sa tabi niya sa upuan. Napatayo si Rom. Alas singko na pala ng umaga. Sa araw na ito din ay kasal nila ni Theresa ng alas dies ng umaga; limang oras na lang pala ang nalalabi, magiging misis niya na si Theresa. Pero bigla ay kinabahan si Rom, asan si Theresa at matutuloy pa kaya ang kasal nila?
Nanlulumong naupong muli si Rom at naghintay kay Theresa. Maya-maya ay nakahinga siya ng maluwag. Dumating si Theresa na may dalawang baso ng kape sa kamay. Lumabas pala ito ng hospital saglit at bumili ng kape sa may malapit sa ospital na convenience store na bukas for twenty-fours hours.
“Gising ka na pala Rom; heto magkape ka muna,” pagbati ni Theresa kay Rom sabay abot ng isang kape dito.
“Salamat mahal
