I
Hindi nasagot ni Theresa si Don Sosimo. Bagkus ay patuloy lang itong nanangis.
Hinayaan ni Don Sosimo si Theresa. Mas maganda ng mailabas ng dalaga ang nararamdamang sama ng loob kesa pigilan nito iyon, baka ito naman ang magkasakit.
Ibinigay ni Don Sosimo ang bimpo niya kay Theresa na agad namang kinuha nito at nagpasalamat.
“Hija, magpahinga ka na muna, puntahan kita sa kwarto ng Papa mo kapag may balita na kay Rom. Sige na, baka kung mapaano ka na niyan.” Mungkahi ni Don Sosimo kay Theresa, pero umiling ito.
Lumapit si Theresa sa binatang nalagyan na ng Dextrose ng Doctor at oxygen mask. Parang nahihirapang huminga si Rom. Lumapit si Theresa at hinawakan ang kamay ng dating nobyo.
“Rom, ako ito si Theresa. Sana naririnig mo ako. Magpagaling ka na, promise, m
