SERYOSONG pinagmasdan ni Laxus si Draken. Nabasa niya ang IGN nito at doon na nga siya naghanda dahil alam niyang may ibubuga ito, at ang skills nito… Malalakas ito kumpara sa nauna niyang nakalaban dito sa Giant Forest na nagmula sa lugar ng Tengoku Region.
May passive skill din ang espada nito na kung tawagin ay Black Mist at may HP damage effect ito sa sinumang lalapit dito. Kumawala nga ang isang biglaang pagwasiwas ng espada na mabilis na iniwasan ni Laxus sa pamamagitan ng pag-atras. Umuna na nga ng atake ang kanyang kalaban.
“Aba? Nakaiwas ka na naman…” sabi ni Draken na biglang umabante at ngayon nga ay itatarak na nito ang kanyang espada sa player na may dilaw na buhok.
Ang bilis ng pangyayari, umalingawngaw na naman sa paligid ang malakas na banggaan ng mga espada. Dito si Lax
