Hallejah's POV
Hindi ko alam kung paano kontrolin itong mga ginigising na damdamin ng bawat haplos at halik ni Marcus. Nakakadarang at nakakawala sa sarili ang init na lumukob sa buo kong katawan. Init na nagsimula sa aking kaibutuuaran na masarap na tumutupok sa aking kahinaan.
Sa mundo ng mga Diway na katulad ko ay normal lang ang pagsisiping dahil iyon ay naaayon sa batas ng kalikasan. Ang gawaing iyon ay ang nagpapalago sa kalikasang pinagsisilbihan namin.
Pero hindi ko lubos maisip na ganito pala kasarap ang gawaing kahit minsan ay di ko pinagkainteresan. Hindi pa man tuluyang napag-isa ang aming katawan ni Marcus ay halos yanigin na ako ng ibayong sarap at kiliti.
Ang mga Diway ay ginagawa ang pagsisiping upang bigyang pugay ang kalikasan at lalo itong mapalago pero minsan a
