Chapter Seventeen
"Ito ang baon ninyo. Ingat kayo, ha." Ako ang tumanggap ng tupperware na inihanda ni Manang. Pagdating namin ng mansion ay nakahanda na talaga ang mga dadalhin namin ni Governor Tiago. Itinawag na kasi nito sa mga tao sa mansion na pauwi na kami at nagsabi ito ng mga kailangan namin.
Nakapagbihis na rin ako. This time ay isinuot ko iyong damit na mas komportable ako.
"Hindi naman pandagat iyan, Luna Magdaline." Bumagsak tuloy ang tingin ko sa long sleeve na suot ko at sa mahabang palda na halos sumayad pa sa lupa.
"Pupunain mo rin ba ang suot ko katulad ng ama mo?"
"No! Pero kasi magpupunta tayo ng dagat. Kapag nabasa iyan ay mabigat iyan." Tukoy nito sa palda ko.
"May suot naman ako na panloob. Aalisin ko na lang ito kapag maliligo na ako."
"Tsk. Bahala ka. Tara n
