Wala naman akong asawa o girlfriend, kaya bakit naman magiging kabit ko si Chay? Tsaka isa pa, wala rin naman kaming relasyon. Ano na naman ba ang nangyayari sa babae na ‘to? Dumating na rin naman ang mga kaklase namin, kaya hindi ko na siya kinulit pa. Pati ang mga kaibigan ko ay dumating na rin. Baka asarin na naman nila ako kapag nakita nila na kinukulit ko si Chay o ‘di kaya ay kinakausap lang. Marumi ang mga utak ng mga kaibigan ko. Saka ko naalala ang kasalanan sa akin ni Zane!
“Yo, Vaughn!” bati niya sa akin. Ngunit gagawin ko na ngayon ang ganti ko sa kaniya. Hindi ko siya pinansin. Nagsuot ako ng earphones at agad na nagbasa ng libro. Nang sa gano’n ay makaramdam siya na wala akong balak na pansinin siya.
“Vaughn! Pare! Hindi mo ba ako na-miss?” rinig ko pa na sambit niya sa a
