“Gago, grabe! Sobrang ganda pala ng Chay Celestial na ‘yon! Tama nga ang hinala nitong si Deyl noong nakaraan!” kumento agad ni Zane.
Narito kami ngayon sa garden na tambayan namin palaging magtotropa. Agad na nagpunta sina Francis at Razen dito kanina nang malaman na nakita na namin ang itsura ni Chay Celestial.
“Sabi ko naman sa inyo, e! Malakas talaga ang kutob ko na maganda siya. Lalo na at napakamisteryoso pa niya dahil ni miski isa sa social media kahit sa internet ay wala siyang litrato na kita ang mukha niya. Tapos talentado pa. Kaya alam ko talaga na mala-anghel ang mukha niya,” puring-puri naman na sagot ni Deyl.
“What if kaya ayaw niya lang ipaalam ang mukha niya ay dahil hindi naman talaga siya maganda? Kaya nahihiya siya na mailagay ‘yon at kumalat, lalo na at nananalo p
