Hindi ako makapagsalita matapos marinig ang sinabi niya na ‘yon. Oo nga naman, wala kaming kahit na anong relasyon. Kaya bakit ba ako umaakto ng ganito sa harap niya? Bakit ba nag-aalala pa ako sa kaniya? Bakit ba pinapakialaman ko pa siya sa lahat ng mga ginagawa niya ngayon? E dapat naman ay wala akong pakialam sa kaniya.
“Bumalik ka na lang sa dati mong gawain sa akin. ‘Yong trato mo na hindi mo ako masiyadong pinapansin at wala kang pakialam sa akin,” dagdag pa niya.
Yeah, right. How I wish I can do that.
Umismid naman ako, “Fine. Do whatever you want,” sagot ko na lang.
Tinalikuran ko na siya at naglakad na palayo sa kaniya. Inaasahan ko pa na sana ay habulin niya ako at sundan, pero hindi ‘yon nangyari. Nang lumingon ako ay nakaupo na siya ngayon sa isang table at tahimik na n
