"What do you mean?" nagtataka na tanong ko kay Francis. Mukhang ako lang at si Zane ang walang alam tungkol sa nangyayari ngayon at sa naging reaksyon ng mga kaibigan namin. Napansin ko na hindi rin tumayo si Zane, kaya mukhang wala rin siyang ideya sa pakulo na naman ng aming mga kaibigan.
"What's happening? Ako lang ang walang alam? Nahuli ako sa balita? That's impossible!" reklamo agad ni Zane. Mukhang nakatunog na siya ngayon na may pinlano ang mga kaibigan namin at hindi man lang kami nasabihan na dalawa. "Alam namin na madaldal ka, kaya naman ay hindi namin sinabi sa 'yo kung ano ang naisip namin na plano para mapaamin na si Vaughn," sagot naman ni Razen sa kaniya.
Sinamaan agad ng tingin ni Zane ang aming mga kaibigan. Ako naman ay nagtataka pa rin, pero medyo may ideya na ako sa
