"HINDI pa ba tayo uuwi?" Naiiritang tanong sa kanya ng kaibigan na nasa buhanginan na naman habang siya ay panay ang sisid sa tubig dagat.
"Mamaya na, pagabe na at maganda ang night swimming," sagot niya.
"Maganda ang night swimming kung marunong akong lumangoy, ginagawa mo lang akong audience palagi e."
Tumawa siya habang inaayos ang mahabang buhok na basang basa na. Sandali siyang natigilan at napatingin sa papalubog na araw. Tumatama ang nakakahalina nitong sikat sa kanyang balat at dahil hapon na ay malamig na ang hangin.
Kulay kahel na ang kalangitan na mas lalong nagpaganda sa paligid. Muli siyang sumisid sa tubig at lumangoy patungo sa malalim na parte. Gustong gusto niya ang palangoy, naaadik siya sa kulay asul na dagat at sa paghampas ng mga alon.
"Uuwi na ako," dinig niyang
