ABALA SI RICHELL sa pagpapagatas ng mga baka sa hasyenda. Maraming mga trabahador ang abala rin sa paligid habang siya ay focus na focus sa ginagawa. Kailangan niyang matapos agad sa trabaho dahil mamamasyal sila ng ama. Upang kahit papa'no ay makalabas ito.
"Mayaman ka na ba ngayon?"
Kumunot ang noo niya sa kaibigan na abala naman sa pagkain ng mga saging na bagong pitas. "Anong mayaman? Gaga ka ba, bakit naman ako yayaman?"
Nagkibit balikat ito. "Kung hindi ka mayaman bakit may bodyguard ka?"
Napatingin siya sa parte ng hasyenda kung saan ang inginuso nito. Nakita niya si Sais na nakasakay sa kabayo at naglilibot libot kasabay ang kanyang amo. Ilang araw na ring ramdam niya palaging may nakamasid sa kanya ngunit hindi niya lang pinagtutuonan ng atensyon.
"Paano ko naman naging bod
