HINDI PA MAN tuluyang humuhupa ang emosyong nararamdaman ni Richell ay agad siyang natigalgal dahil sa malakas na sigaw ng kanyang kaibigang si Valerie. Hindi niya alam ngunit sa klase ng sigaw nito ay mabilis na nilukob ng kaba ang kanyang dibdib.
Humahangos itong tumakbo papalapit sa kanya habang dala ang flashlight nito. Naluha luha ang mga mata at nanginginig nang makalapit sa kanya.
"Ba-Bakit, Val?" Utal niyang tanong dito dahil sa nakakalulang kabang kanyang nadarama.
"A-Ang tatay mo, ang tatay mo," natataranta ito at halos hindi niya maintindihan ang sinasabi. "Na-Nasusunog ang bahay niyo," para iyong bombang sumabog sa kanyang pandinig.
Tila siya pinagkaitan ng hininga sa puntong iyon. Nanginig ang buong kalamnan niya at tumakbo ng mabilis, ilang ulit siyang muntik na madapa ng
