"Oo tama ka! Sa mata ng mga tao, nakakadiri kaming dalawa. Pero bakit pakiramdam ko sa tuwing magkasama kaming dalawa, lahat ay tama? Siguro dahil pareho naming alam na walang kahit na konting dugo ang nananalaytay sa ugat naming dalawa. Kaya hindi maling mahalin ko siya, Lana!" Sagot sa akin ni Grego. "Huwag mo ng pangarapin na masusuklian ko ang pagmamahal mo. Dahil kahit kailan hinding-hindi ako papatol sa kagaya mo!"
Ang sakit ng mga sinabi niya, muli ay para na naman akong piniga at dinurog nang pinong-pino.
Mula pa man noon ay lagi na niyang pinagtatanggol ang mali nilang relasyon.
Kaya ano pa ang saysay ng pananatili,kung kahit ano'ng gawin ko ay ayaw niya talaga sa akin.
Masakit man pero nakapagdesisyon na ako sa mga oras na ito. Gusto ko ng makapagpahinga. Pagod na pagod na
