Fhaye's Pov:
Hindi ko na mabilang kung ilang beses akong napapangiwi sa bawat tunog na nililikha ng galit na galit na si Efraim. Madilim na madilim ang ekspresyon n'ya at hindi talaga magandang ideya ang lapitan s'ya o kausapin man lang.
Kanina pa kami dito. Sa isa sa mga common training room ng mga estudyante dito sa Square's Fleet. Sa sobrang abala ng mga propesor dahil sa sabay-sabay na problema na hinaharap ng Saint Runes ngayon ay naatasan nila ang mga nasa higher year na maging trainor namin. At si Efraim nga ang nakatalaga sa akin, s'ya din ang ka-sparring ko at dapat ay nagsisimula na kami sa pagsasanay.
Pero hanggang ngayon ay pumapalatak pa din s'ya at pilit na winawasak ang mga bagay na nandito sa silid.
Silid lang kasi ito kung sa labas titingnan. Pero dito sa loob, tila is
