Donna's Pov:
Napasunod ang tingin ko nang muling magtipon-tipon ang mga Team Leader. Napakunot pa ang noo ko nang makitang ang mga bagong Head ay nandoon din at kumakausap sa kanila.
Muli kong ibinalik ang mga mata ko sa malaki at mataas na arenang nasa harapan namin. Ganoon ba talaga kadelikado sa loob nito para paulit-ulit na paalalahanan ang mga TL?
Kung oo, bakit pa kami papapasukin dito? Test of determination. Naalala kong sabi ni Jiro. Hindi ko nga lang alam kung anong uri ng determinasyon ang susukatin ng larong ito.
"Bigatin din pala ang ibang TL," pabulong na komento ni Ian.
Muli akong tumingin sa mga TL na seryosong nakikinig sa mga Heads.
Nakikilala ko ang iba maliban sa apat na Chiefs. Si Shovie at ang isa pang babaeng hindi ko alam ang pangalan ay kasama doon. Nandoon d
