Donna's Pov:
Tuliro ako habang sinusundan ang dalawang team leader. Parehong nasa unahan ng mga grupo namin sina Garreth at Jiro.
Hinahanap nila ang posibleng pinakamalapit na daanan palabas. Doon kasi nagsimula ang harang at pagkakahati ng reyalidad at ng isa pang reyalidad sa gitna ng ilusyon. Ang kapatagang pinagmulan namin kanina at ang kagubatang kinalalagyan namin ngayon.
"Nandito na tayo," Garreth told us. Katulad ng ginawa ni Daesuki kanina ay marahan n'yang iniangat ang kamay sa ere at agad ding itinulak ng kung anong pwersa ang palad n'ya.
Nanahimik kami lahat. Na para bang kahit paghinga ay ipinagbabawal sa mga oras na ito.
Sumenyas si Jiro at agad na kumilos ang mga Senior at Juniors.
Pumagitna sila sa aming nasa mababang level at sa grupo ni Garreth. Muli kong naramdama
