NASA kitchen ako ngayon at nagpapaturo kay Rey kung paano mag-bake ng brownies sa kanya. Gusto ko kasing matuto man lang habang semester break pa namin at hindi pa ako pumapasok sa convenience store.
“Iisang way lang po ba dapat ang paghalo?” pagtatanong ko kay Rey. Ayoko kasi magpaturo kay Chef Rainer, ʼdi dahil wala akong tiwala kung ʼdi aasarin lamang ako ng isang iyon.
Katulong ko sa pagbabake si Blade, si Blaze kasi ay nag-aaral pa siya. “Mama, ganito po?” Kinalabit ako ni Blade at ginaya niya ang ginagawa ko.
“Sabi ni Rey ganyan daw, Blade, kaya gawin na lang natin ang utos niya, ha?” ani ko sa kanya kaya tumango siya sa akin. Ang ginagawa niyang brownies ay para naman kay Blaze.
“Okay po, Mama!” Ginawa niya nga ang sinabi sa amin ni Rey.
Nang makita ni Rey ang ginagawa namin
