Nagpatuloy sa lihim na pag-iimbestiga si Jake sa mga sumunod na araw at sinasamahan siya ng tatlong lalaki na nagpakilalang mga kaibigan raw niya.
Hindi niya gustong husgahan ang asawa, pero kailangan niyang malaman ang katotohanan para na rin mapanatag ang kalooban niya. Nagiging klaro na sakanya ang lahat at ang huling pruweba na nais niyang mapatunayan ay ang mga magulang at kapatid na sinasabi ng mga ito.
Ngayon ay kinukumbinsi niya ang asawa na bumiyahe sila pabalik sa Metro, at ang alibi na sinabi niya ay ipapa-check up niya ito dahil sa tuwing umagang masama ang pakiramdam nito.
"Pwede naman sa bayan nalang, bakit sa Metro pa? Ang haba-haba ng biyahe pabalik doon." Giit ni Elle. Halata dito ang pagka-bugnot habang inaayos ang mga papel sa harapan nito. Kasalukuyan silang nasa
