"Kanina ka pa hindi mapakali," pagpansin sa akin ni Patrick.
Mula sa pagtitig sa pintuang inaabangan kong bumukas ay bumaling ako ng tingin sa kanya.
"Pasensya ka na, Patrick. Wala pa kasi si Ate. Hindi ko maiwasang kabahan. Baka napagalitan siya o kaya ay..."
"Hindi sasaktan ni Daddy ang ate mo, Darcy. Naroon din si Kuya Samuel. I'm sure hindi niya pababayaan si Miss Kathleen."
Matiim ko siyang tinitigan. Alam kong walang kasalanan si Patrick sa mga kinatatakutan ko at hindi ko siya dapat idamay ngunit tiyak kong masisira ang pagkakaibigan namin kapag sinaktan ng gobernador ang kapatid ko.
"Malupit ang gobernador. Alam kong alam na alam mo iyon, Patrick."
"Oo, Alam ko. Ilang beses ko na ring naririning na maraming dinanas na kalupitan Ang mga taong nagkasala sa kanya, Darcy. sinas
