Pinagbuksan ni Kuya Ruben si Attorney samantalang ang bodyguard naman ni Samuel ang nagbukas ng pintuan para sa akin. Maglalakad na sana ako patalilis ngunit kagyat na nahawakan ni Attorney Samuel ang braso ko. Wala akong nagawa nang hilahin niya na ako at sabay na kaming maglakad papunta sa opisina ng school president. Nasa likuran namin ang dalawang tauhan niya.
"Puwede po bang pumunta na ako sa klase ko?" nahihiya kong tanong kay Samuel nang papasukin na kami ng secretary ng school president sa opisina nito.
"Ihahatid na kita. Let's talk to the school president together," hindi mababaling desisyon niya kaya wala na akong nagawa kundi ang magpahila muli sa kanya nang bumukas na ang pintuan ng opisina.
Nakipagkamay si Samuel sa presidente ng aming eskuwelahan at sa labis na kahihiyan k
