Masigla akong nagising kahit na pinuyat ako ni Samuel at kahit na naiinis pa rin ako kay Patrick.
Naabutan ko siyang bihis na.
"Maligo ka na para makababa na tayo para sa almusal. Wag na nating hintaying ipatawag pa nila tayo," yaya niya sa akin.
Mabilis kong sinunod ang utos niya at ilang sandali pa ay magkahawak-kamay na kaming lumabas sa kuwarto at bumaba sa hagdan.
Halos hindi ko malasahan ang masarap na breakfast dahil asar na asar pa rin akong dito na kami ni Samuel titira simula sa oras na iyon. Naiinis din ako na masiglang nag-aalmusal si Patrick habang pangiti-ngiting sumusulyap sa akin.
Nang makaalis sina Samuel at Gob ay nagkulong ako sa kuwarto namin ni Samuel pagkatapos magbilin sa mga maids sa huwag akong istorbuhin maghapon pero ipatawag ako kapag dumating na ang at
