"Saan ba kayo nagpunta?" pangungulit sa akin ni Ate Kathleen.
Nag-iinit ang pisngi na nag-iwas ako ng tingin sa kanya.
"May ipinakita lang siyang lupa, Ate. Balak daw niya iyong bilhin para pagtayuan ng sarili naming rest house balang-araw. Alam niya kasing gusto ko rito sa Baguio kasi malamig."
Lihim akong nagpasalamat at natuwa sa sarili ko dahil hindi ako nabulol. Iyon ang sinabi sa akin kanina ni Samuel na sasabihin ko kung sakaling magtatanong ang pamilya ko kung bakit kami nahuli ng dating. Pagdating kasi namin ay nasa silid na nila ang pamilya ko. Kami ni Samuel ay dumiretso sa kuwarto niya dito sa bahay-bakasyunan nila at saka naligo. Ayoko namang maamoy ng pamilya ko na may ginawa kaming kababalaghan ni Samuel.
Nagpatuyo nga muna ako ng buhok bago ako lumabas para hindi hal
