Hindi ko namalayan kung paano kami nakarating sa parking lot at kung ilang minuto kaming nagbiyahe bago kami nakarating ngayon dito sa Mines View Park. Ang tanging naaalala ko lang ay tila naglalakad ako sa mga ulap.
Pasulyap-sulyap ako kay Samuel na patingin-tingin din sa akin. Pagkatapos ay lilipat ang tingin ko sa mga kamay naming magkahawak.
"Darcy, alam kong medyo poetic iyong mga binitawan kong mga salita kanina at talaga namang gagawin ko iyon pero pwede bang huwag mo ako laging tinititigan na tila ako modelo? Look, hindi mo na naa-appreciate ang ganda ng lugar na ito," nagbibirong bulong sa akin ni Samuel kaya naman nag-init ang buong mukha ko.
Iniwas ko na ang mga mata ko sa kanya at pinagala ang mga mata ko sa ganda ng lugar. Nakita ko ang mga magulang ko na kinukuhanan ng
