HADEN:
MATAPOS naming mananghalian ni Sofi ay bumalik ulit kami ng court. Isa-isang tinutulungan ang mga evacuees. Oras-oras din ang pagdating ng mga supply's ng grocery, gamot at mga damit na mula sa foundation ng pamilya Montereal. Naglabas din si Sofi ng sarili nitong pera na pinangbili ng mga tent, foam, kumot at unan ng lahat ng pamilyang nandidito sa evacuee para komportable kahit paano ang tulugan ng mga ito.
Walang sawang nagpapasalamat ang mga tao dito na inaasikaso namin ng asawa ko. Nakakatuwa nga na kahit ang mga bata ay magagalang. Na tipong panay ang pagsaludo nila sa aming mga naka-uniporme ng sundalo at kapulisan. Malaking bagay sa amin ang pagsaludo lalo na kung mula sa mga civilian. 'Yon kasi ang paraan para maipakita sa amin ang kanilang pagrespeto sa aming tungkulin.
