البارت ١٦
2310 Words
ي**ت محمد ويشرد قليلا وهو يحدث نفسه مرددا :
- معقول للدرجة دي سرقتنى الأيام والسنين، معقول محستش انك كبرتى بسرعه كده، ويتقدم لك خطابك ويدقون بابك، لينتبة فجاة على سماع صوت شيرى تنادية وتقول له :
-اية يابابا حضرتك ساكت ومش بترد عليا هو عندك اي اعتراض؟
محمد ينتبه لها وينظر لها ويقول :
- ابدا ياشيرى سرحت فيكى حببتى، أنك كبرنى وبقيتى عروسة زى القمر وهيجى عريس ويخ*فك منى.
شيرى ببتسامه وضحكه تقول :
- يخ*ف مين ده ! أنا قاعدة على قلبك ومربعه كمان.
محمد ينظر لها بحب ويقول بنبره حانيه :
- ههههه ربعى ياستى زى ما أنتى عايزة، بس اياكى تمشى وتروحى تربعى في مكان تانى... ويغمز بعيونة.
شيرى بخجل:
- يعنى حضرتك معندكش مانع؟
محمد بسعاده يقول :
- ابدا ياحببتى ده يوم المنى انى افرح بيكى، بس احكيلى عنه وعن ظروفه.
شيرى تنظر له بتوتر و ارتباك، وخائفه ان يرفضة بسبب ظروفة، ثم تشجعت قائله في تردد :
- بصراحة يابابا هو محاسب في بنك ولسة بيدأ حياته، وعايش مع والدتة بيرعاها عشان مريضة، ومسنة ومعندوش اخوات هو وحيدها، وعرض عليا أننا نتجوز مع أمه عشان مش هيقدر يسبها لوحدها، وأنا بصراحة ما ممنعتش لأنى حسيت اد أية بيحبها ويرعاها وده خلانى أوافق؛ لان اللى ملوش خير في امه مش هيبقى له خير فيا.
محمد ينظر لها باعجاب مرددا :
- عندك حق يابنتى اللى بيتمسك بامه كدة، يبقى ابن بار وائتمنه على بنتى وانا راضى ومش خايف، وأن كان على ظروفة مش مهم ابدءوا حياتكم خطوة خطوة، وخليكى زى والدتهم صبرت معايا وعايشت على المرة قبل الحلوة وعمرها ما اشتكت ابدا ...حددى معاه يوم الجمعة، وقولى لخالد عشان يفضى نفسه ويقابلة معايا.
شيرى بفرحه تقول :
- خالد عارف من زمان يابابا، وقابلة واتعرف عليه اول ما كريم صارحنى، أنا مقدرش اخبى عنه حاجة ابدا... خالد بالنسبالى مش اخ ده اخ واب وحبيب وصديق كل حاجة ليا ربنا يخليه ليا يارب.
محمد بحزن يدرك للمرة المليون حجم الجرم الذى اتسبب فيه لاسرتة، لأنه كان يتمنى ان شيرى تقول عليه هو كل هذا الكلام، وليس عن خالد ليشعر بمدى المسئولية التى كانت على عاتقة طول السنوات الماضية فيرد بحزن..
- امين يارب ربنا ميحرمكوش من بعض حببتى ....تمام يالا قومى بلغيه بمعادنا بس بسرعة بلاش رغى التليفونات ده مش بحبة.
لتضحك شيرى وتقول له مداعبه والدها بحب انتى بتغيرى يابيضة
محمد محتضنها بحنان مردد :
- اااه بغير وبغير اوى كمان، انا لسة ملحقتش اشبع منك.
شيرى بنبره هادئة تقول :
- متخافش يابابا لسة بدرى دى خطوبه بس مش أكتر.
- ربنا يتمم بخير حببتى، ومتشليش هم لأى حاجة، وانا عينى ليكى ياقلبى وهجهزك احلى جهاز.
شيرى تسرع لتحضن والداها بحب وتقول :
- ربنا يخليك ليا وميحرمنيش منك يارب.
محمد بحب يرد :
- ويخليكوا ليا ياحببتى.
وتذهب شيرى لتهاتف كريم لتبلغة بموعد المقابلة :
- ايوة ياكيمو ازيك عامل اية؟
كريم بلهفه يقول :
-الحمدلله حببتى ازيك انتى هااا طمنينى كلمتى باباكى؟
- كلمتة ياعم المستعجل، ووافق وهيقابلك أنت ووالدتك يوم الجمعة على 7 كدة.
كريم بفرحه وشوق يقول :
- اخيرا ياشيرى حبنا هيشوف النور، ونخرج ونقعد مع بعض بحريتنا
شيرى بحده تقول :
- حيلك حيلك ياعم المستعجل، دخول اية وخروج اية هو فرح ياحبيبي.
كريم بضيق :
- امال أية أنا بخطبك عشان اكلمك سرقة.
- انسى في أضيق الحدود ياكيمو، انت متعرفش بابا بيغير عليا ازاى ده مصدقش نفسه لما قولتله.
- هو بعد كلامك ده ينفع فيها كيمو ...ياااه ياحسوتى السوا يا امة قولت هخطبها عشان اعرف ابقى براحتى طلعلى ابوها وهيدقق معايا ...صبرنى يارب
شيرى بضحك:
-معلش ياكيمو في الاول بس عشان ميعرفكش، وبعدين لما يتقرب منه هيحبك ويهدى.
كريم باستسلام يقول :
- امرى لله، بس أنتى شرحتيله كل ظروفى، وأنك هتعيشى معنا في شقتنا.
- ايوة ياكريم متقلقش، مخبتش حاجة خالص عن بابا، وهو بصراحة تفهم واعجب بموقفك تجاة والدتك.
كريم يزفر انفاساً عاليه ويقول :
- طب الحمدلله ربنا يطمن قلبك ياوش السعد عليا، هعد الأيام لحد يوم الجمعة ما يجى ياقلبى.
-الايام بتعدى بسرعة وربنا يكملنا على خير.
- يارب ياحببتى.
- يارب ياكيمو، أنا هقفل بقى عشان كدة أنا طولت وبابا قالى بلغية واقفلى بسرعة.
كريم بزعل :
-بسرعة كدة هو احنا ابتدينا ...ماشى ياحبى مع الف سلامة اشوف يوم الجمعة على خير.
وتغلق شيرى هاتفها وتقفز في الهواء سعيدة.
يذهب محمد ليخبر نادية بما دار بينه وبين شيرى من حديث، وتفرح جدا حين اخبرها ان ابنتها الصغيرة كبرت وسوف تشاهدها عروسة، كما تمنت طول عمرها داعية الله ان يوفقها في حياتها وتبارك على كلام محمد، وتتفق معه وتحترم موقف كريم تجاه امه متمنية لهم السعادة وتقول :
- متتصورش أنا فرحانة اد اية عشان اخيرا هفرح بيها، وعشان قربت منك وحكيتلك حتى قبل ما تحكيلى.
محمد ينظر لها ويقول بسعاده وفرح مردد :
-وأنا كمان مخبيش عليكى يانادية كنت سعيد اوى إنها قالتلى وبتحكى معايا، ومخلتكيش أنتى مثلا اللى تقولى ده معناه كبير اوى عندى.
-فعلا معناه إنها قربت منك، وبقت حاسه أنك مهم في حياتها وشعرت بأبويتك الحمدلله ...وأنت متشلش هم لجهازها أنا مجهزاها من الابرة للصاروخ مش ناقصها حاجة أنت مكنتش بتبعتلنا شوية وكل لما فلوس بتتبقى زيادة كنت يشترى جهازها واشيلة.
محمد يقول برضا :
-الحمدلله طول عمرك مدبره يانادية، بس برضو أنا لسة معايا فلوس كويسة، الحمدلله ولو احتاجت لبن العصفور اجيبه هى بس تأمر، وأنا الم القشر وهشترى ليها احسن جهاز وربنا يقدرنى واسعدها.
نادية بحب تنظر له وتقول :
- يارب يباركلنا فيك ياحبيبي.
وتستيقظ شيرى باكرا من نومها وكعادتها، اول شئ تفعلة بعد اداءها لفرضها ان تبحث عن اعلانات الوظائف الخالية في الجرائد المصرية، وفى الحاسب الالى لتجد اعلان مطلوب سكرتيرية حسنة المظهر -تجيد اللغة الانجليزية-معها كورسات في الادارة والسكرتارية والكمبيوتر،
وإذا بها تصرخ من السعادة فكل المواصفات منطبقة عليها لتنهض مسرعة ترتدى ملابسها وتضع القليل من المستحضرات التجميل لتبرز جمالها فهى حقا جميلة بدون وضع اى شئ لتصبح على والدتها التى تتفاجأ وتسالها :
-لابسة ومتشكية ورايحة فين كدة بدرى ياشيرى؟
شيرى تقترب منها وتقول بقلق :
-ادعيلى ياست الكل ربنا يجعل في وشى القبول المرة دى والنبى، في إعلان شركة السيوفى منزلاه طالبين مديرة مكتب والمواصفات كلها متوفرة فيا، يارب تكون من نصيبى، انتى متعرفيش الشركة دى الف يتمنى بس يدخلها مش يشتغل فيها، أنا هروح اعمل المقابلة ومعايا كل الورق المطلوب ويارب تكون من نصيبى يالا سلام ولحد ما انا اجى متبطليش دعاء وحياتى.
الام تنظر لها وتقول بحب مردده :
-ربنا معاكى ياقلبى وتكون من نصيبك لو فيها خير ليكى، ويبعدها عنك لو فيها شر يارب.
وتذهب شيرى ونتقدم لعمل المقابلة وتكون اخر المتقدمين، لتنتظر فترة وتدخل لتجد فرحة وبجوارها رجل يبدو عليه الوقار والهيبة فيتحدث لها قائلا :
-حسن ناظرا لها بدقه وتركيز
اتفضلى يا انسة اسمك.
شيرى بتوتر تقول :
- اسمى شيرين محمد القناوى.
فرحة تتحدث لها لتكمل حديثها، واول ما ينظرون لبعضهما يشعرون بارتياح غريب لا يفسرونه، فيبدو اللقاء كأنه حديث اصدقاء وليس مقابلة عمل بدون خوف ولا رهبة في بداية حين تحدثت مع حسن فتقول فرحة :
- تمام يا انسة شيرين كدة المقابلة انتهت انتظرى مننا اتصال بكره، ولو تم اختيارك هنبلغك ياريت لما تخرجى سيبى رقم تليفونك.
- تمام يافندم في انتظار اتصالكم، وأنا سعيدة أنى حصلى الشرف بمعرفة حضراتكم.
فرحة تبادلها ابتسامة وتخرج لتذهب إلى منزلها، وهى في حالة ارتياح وتشعر ان الوظيفة ستكون من نصيبها بأذن الله.
فرحة تنظر لوالدها قائله :
- هااا يابابا رايك اية في كل اللى قابلناه
حسن ينظر لملفات المتقدمين، ثم ينظر لها مردد :
- والله يافرحة دى هتبقى مديرة مكتبك، وأنتى حرة في الإختيار لازم يكون اختيارك مبنى على الكفاءة، والخبرة، وكمان القبول لأنك هتتعاملى معاها طول اليوم.
فرحة تهز راسها بالموافقه ثم تقول :
- عندك حق طب أية رايك في انسة سالى؟
- بصى هى كويسة بس للاسف معندهاش كورسات في الإدارة والسكرتارية.... طب رأيك اية في اميرة؟
فرحة تمد شفتاها للامام ثم تقول :
- مش بطالة كويسة بس تحس انها معندهاش ثقة في نفسها كدة، بمجرد أنك عاليت صوتك لما مسمعتهاش، اتخضت واتلجلجت في الكلام أنا عايزة بنت كدة واثقة وقوية.
حسن يضحك ويقول :
- اه والله أنا داريت ضحكتى بالعافية .... كدة مقدمناش غير مايسة وشيرين.
فرحة تنظر لصورتها وتقول بضيق وغيظ :
- مايسة دى جاية تتدلع دول مفروض كانوا سموها مايصة مش مايسة، أنت مأخدتش بالك من مكياجها الاوفر، ولا لبسها الضيق، ده أنا كنت عايزة اطردها من اول ما دخلت دى جاية تصطاد عريس مش تشتغل.
حسن بنبره ضيق يرد :
- فعلا مستفزة جدا ..كدة مقدمناش غير شيرين أعتقد مفيهاش عيب، ولاحظت إنك طولتى معاها اوى في المقابلة.
فرحة برتياح تقول :
- فعلا يابابتى مش عارفة ليه ارتحتلها اوى... عارف أنت لما تشوف حد كدة من اول مرة وترتاحله هو ده اللى حصل معايا... ولاقتنى بتكلم معاها بطريقة سهلة بدون تكلف، كأنى أعرفها من زمان، واشيل الخوف والرهبة، وهى كمان كانت لابقة جدا في حدثها وبتتكلم بجرئة وثقة من نفسها وكمان متوفر فيها كل المواصفات حضرتك اية رأيك.؟
حسن بحماس يقول :
- بصراحة هى كويسة ووشها فيه قبول ربانى، خلاص على بكرة الله بلغى فهد يرفع الإعلان ويتصلوا بيها بكرة وتبدأ شغل فورا.
فرحة بسعاده تقول،،، على بركة الله
**************
تذهب شيرى إلى منزلها طائرة من السعادة والفرح، لتقا**ها والدتها مبتسمة وتسالها على ماحدث في المقابلة؟
ها ياشيرى طمنينى عملتى اية ياحببتى انا مبطلتش دعاء.
شيرى بسعاده تقول :
- تسلميلى ودعاكى، وصل ياحببتى عملت المقابلة وكنت مرعوبة في الأول لما المدير سألني عن اسمى، وبعدين في آنسة كانت جانبة هى اللى كملت معايا وعصرتنى اسئلة... بس تصدقى يا ماما إنها بمجرد ما اتكلمت كل الخوف والرهبة راحوا من عندى ولاقتنى بتكلم معاها بكل ثقة كأنها زى ما أكون أعرفها قبل كدة او صاحبتى، وخلصت وسيبت تليفونى ولو اتقبلت هيتصلوا بكرة ادعيلى والنبي يا ماما.
- دعيالك ياحبيبة ماما، هو كدة في ناس القبول والرضا على وشهم ويدخلوا قلبك من غير اى استاذان.
شيرى بنبره تأكيد تقول :
- فعلا ياماما هو ده اللى حصل.
وتتركها لتتوجه إلى غرفتها شاردة في احلامها الوردية.
نعود إلى فرحة وحسن الذى يسالها عن غياب ادهم فيقول ..
حسن بقلق متسائلا :
- هو ادهم مجاش النهاردة يافرحة انا مشفتهوش خالص؟
فرحة بهدوء ترد :
- أيوة يا بابا مجاش، اتصل وقال أنه سافر العين السخنة عشان يشوف الشغل، ماشى إزاى وينسق العمل مع العمال، عشان نقدر نسلمه في المعاد المحدد.
حسن باعجاب يقول :
- تمام برافو عليه مش بيضيع وقت، أنا قولت بعد سهرة امبارح مش هيقدر ده انا قايم بالعافية، ومكنتش قادر أنزل لولا زنك وت**يمك انى احضر معاكى المقابلات، واختار معاكى مع انى معملتش حاجة انتى اللى دورتى المقابلة بكل شطارة الله اكبر عليكى.
- والله ولا شطارة ولا حاجة أنت بس وجودك هو اللى بيطمنى وبستمد منه القوة، والشجاعة، ربنا ميحرمنيش منك ابدا يا بابابتى ياحبيبي.
- ولا منك يافرحة عمرى.
في مكتب ياسر يتحدث مع شريكة الخفى في كل صفقاتة المشبوهة ليهمس حتى لا يسمعه أحد مردد :
-أقولك ياباشا أصبر مينفعش اليومين دول خالص نعمل اى شغل من بتاعنا، حسن رجع ومش لوحده معاه بنتة واقفة زى الشوكة في ظهرى لازم اتلم عشان مفتحش العين عليا.
الباشا بغضب وحده يقول :
- يعنى أية كلامك ده ياياسر؟ احنا هندلع ولا اية، إحنا بينا عقود ومواعيد مينفعش تخالفها.
ياسر يبتلع ريقه بصعوبه ويقول بنبره توتر مردد :
- أنا فاهم والله كل الكلام ده، ومش بخلع بس فعلا أنت متعرفش فرحة بنته دى دماغها سم ازاى، انا بس بقول ن*دى الشغل شوية لحد بس ما انول ثقتها واحطها تحت جناحى.
الباشا بصوت عالي وبنبره حده وغضب يقول :
- ياسلام يعنى احط فلوسى اللى هتترمى على الأرض، عقبال ما حضرتك تحطها تحت جناحك وتثق فيك، أنت بتتدلع وشغلنها ده الغلطة فيه بموت.
ياسر بقلق وخوف يقول :
- والله ابدا يا باشا، ادينى أنت بس وقت، وأنا هظبط كل حاجة ومناقصة الاسمنت هتكون من نصيبك زى اللى فاتت متقلقش، أول ما اخد الأسعار هبلغك على طول.
الباشا بحده يرد :
-ماشى ياياسر لما نشوف... بس ياويلك منى لو ماخدتهاش يا ويلك.
ياسر بهدوء يقول :
-ان شاء الله هتاخدها وعد منى، أنا
عمرى اقصرت معاه طول السنين دى واحنا بتشتغل مع بعضنا على ميا بيضا.
-ماشى لما نشوف ياياسر مع السلامة.
ويغلق ياسر معه وهو ب*عر بالقلق، والخوف، فالباشا يعرفة جيدا لا يعرف الرحمه في تعاملاتة خصوصا في البيزنس وتحدث في نفسه قائلا :
-ربنا يسترها ويعدى الأيام الجاية على خير، وياخوفى منك يافرحة تضيعى شقى السنين ساعتها ودينى ما هرحمك، واخليك ياحسن تترحم عليها، وتبكى بدل الدموع دم إنك رجعت بيها من دبى.
****
حسن يسأل فرحة مردد :
- انتى هتسافرى لادهم أمتى يافرحة؟ عشان تشوفى الشغل على ارض الواقع.
- بصراحة يابابا مش عارفه، بس بفكر اظبط الدنيا هنا وتستقر مديرة المكتب وانسق معاها كل الشغل، وبعدين أروح يوم كدة رايح جاى اطمن واتابع وبعدين أرجع.
حسن بنبره هادئه يقول في حنان :
-تمام كدة كويس في السكرتارية أنا بلغتهم يتصلوا بيها على اخر النهار، وبكرة تستلم شغلها وتنتظم.
- تمام يابابا على خير.
حسن ينهض من مجلسه ويقول وعلى وجه التعب مردد :
-طب اية انتى لسة مخلصتيش أنا تعبت، وعايز اروح نتغذى لحسن مش قادر.
فرحة بدلع تقترب منه وتضع يديها على كتفه مردده :
اية سونة بقيت بتتعب بسرعة كدة لية لسة بدرى يا حجوج.
-السن بقى يافروحة يالا نروح ناكل مع هالة اللى بنسبها إحنا الاثنين كتير اوى، عشان متزعلش وبعدين لو في حاجة ارجعى انتى.
- تمام يالا بينا.
ويتوجهوا إلى الفيلا لتناول الغذاء مع هالة الجالسة بمفردها لولا وجود وفاء لكانت اصابت بالجنون.
***************
ويأتى المساء في منزل شيرى ليرن الفون الارضى لترد شيرى على المتحدث
شيرى:الوو مين معايا؟
الموظف:انسة شيرين محمد القناوى؟
شيري:ايوة أنا مين حضرتك؟
الموظف:احنا شركة السيوفى يافندم، وبنبلغك ان حضرتك تم الاختيار وفوزتى بطلب الوظيفة الف مبرووك.
شيرى بعدم تصديق:
-بجد حضرتك بتتكلم جد!
الموظف:أيوة يافندم الورق امامى اهو انسة شيرين محمد القناوى مش ده اسمك برضو؟
شيرى بفرحه تقول:
- اه اه اسفة جدا بس من المفاجأة مش قادرة أصدق.
الموظف: تمام ومب**ك مرة تانية، منتظرين حضرتك تيجى في تمام الساعة 8 صباحا بالظبط، عشان تستلمى عملك
شيرى بسعاده تقول:
-من النجمة هكون عندكم الف شكر مع السلامة.
الموظف: مع السلامة
تغلق معه الفون وهى لا تصدق نفسها، ان حلمها تحقق لتصرخ فجأة من سعادتها فيأتى جميع من في المنزل على صراخها...
وينتهى البارت لهذا الحد وبكرة نعرف شيرى هتعمل اية مع شغلها الجديد ومعاملتها هتكون ازاى بينها وبين فرحة واية مخبي لهما من احداث!!!!
وهيحصل اية مع فرحة وادهم في العين السخنة
- Writer
