Sarah
Ilang sandali na nakatitig lamang ako sa paboritong lugar namin ni Mama. Sa puntong tumigil na ang sasakyan sa harap niyon mismo ay kaagad na nabalot ng kaba ang puso ko. Hindi ko maintindihan ang aking sarili. Dati-rati naman, sa tuwing natatanaw pa lang namin ni Mama ang lugar na ito kung saan kami madalas na masayang magkasama ay saya at pananabik lamang ang aking nararamdaman. Ngunit sa mga sandaling ito ay puro takot at pangamba ang bumabalot sa puso ko. Kinakabahan ako kung kaya't kinakabahan akong bumaba at tumapak sa loob ng mall.
"Ma'am, papasok ka ba sa loob o uuwi na lang tayo?" narinig kong tanong ng driver. Nahihiyang tumingin ako sa kanya at alanganin na ngumiti dito nang makita ang mariin nitong titig. Nahanap ko sa sarili ko ang hiya sa paraan ng kanyang ti
