Matatalim ang tingin ng dalawang lalaki sa isa't isa. Hindi man alam kung bakit magkakilala ang dalawa, ang gusto niya lamang ay mapag-isa at iwan siya ng mga ito.
Mahabang tikhim ang pinakawalan upang pukawin ang pansin ng mga ito. "Pwede ba, kung magkakainitan kayong dalawa ay huwag dito!" madiing turan sa mga ito. "Sir, wala naman po kayong pakay dito ay pwede na po kayong umuwi," baling sa boss.
"Pwede ka na raw umuwi," dinig na ulit ni Henry na tila pang-aasar sa boss.
"You too, Henry," aniya rito na kinatigil nito. "Gusto kong mapag-isa," tila pinal na turan sa dalawa.
"Miss Villareal, nandito ako bilang boss mo na nag-aalala sa kaniyang empleyado. Nakita ko kung paano ka umiyak kanina sa opisina kahit ilang pilit mong itago kaya ako naririto," apuhap ni Frank ng idadahilan.
Ki
