Gustong matawa si Frank sa naiisip. Sa hinagilap kasi ay hindi niya nanaising isipin ang tungkol sa pag-aasawa pero hindi niya inaasahang maiisip iyon dahil kay Valerie.
"Teka nga Sir, may asawa na po kayo?" mayamaya ay untag na tanong ng ina ni Valerie.
"Po?!" gilalas na turan at hindi alam kung bakit natawa ang ginang sa reaksyon niya.
"Naku, mukhang allergic kayo sa salitang asawa, Sir? Nanlaki mata niyo eh," anitong natatawa. "Sabagay, bata pa naman kayo at tiyak namang may kasintahan kayo," dagdag pa nitong turan.
Hindi tuloy niya maiwasang lingunin ang kinaroroonan ni Valerie at doon ay nakitang tila inaasar ito ng nakababata nitong kapatid.
"Mahal na mahal namin iyang si Valerie, mahirap na malayo siya sa amin pero tinitiis namin kasi nasa Manila ang oportunidad niya. Kaya lan
