MAGKAKASUNOD akong napahilamos sa aking mukha nang umalis ako sa harap ng pinto ni Delgado. Ngunit sobrang sama pa rin ng aking loob. Tuloy-tuloy na lamang akong pumasok sa aking kwarto. Malakas ko ring ibinagsak ang pinto ng kwarto ko dahil galit talaga ako.
Wala akong pakialam kung makabulahaw ako ng ibang mga tao. Basta't galit ako ngayon. Hanggang sa lumapit ako sa bintana ng aking kwarto. Nakita ko na naman ang mataas na building na ‘yun na kulay itim. Pasukin ko kaya ‘yun? Baka may malaman ako habang nandito sa Isla Bughaw.
Bigla akong napangiti. Titiyakin kong mamayang gabi ay mapapasok ko ang building na ‘yun. Isang buntonghininga ulit ang aking pinakawalan. Hanggang sa pumasok ako sa loob ng banyo para maligo. Nang makaligo ay isang simpleng malaking damit lang ang suot ko. Hang
