Agad kong inangat ang aking kamay upang kuhanin ang aking karayom at nang makuha ko ‘to ay basta ko na lang pinitik sa hayop na kalaban ko. Bigla naman itong napahinto kaya hindi natuloy ang balak sa akin na paghampas sana sa pader. Ngunit tuloy-tuloy pa rin akong bumagsaka sa matigas na tiles.
Bigla akong napangiwi dahil nasaktan pa rin ang katawan ko. Ngunit kaya ko namang tiisin ‘yun. Tumingin naman ako sa aking kalaban na nilagyan ko ng karayom at kitang-kita kong bumubula ang bibig nito. At ang katawan naman nito ay biglang umusok, hanggang sa sumiklab din ang apoy at tuluyang kinain ng apoy ang katawan ng aking kalaban.
Dali-dali kong inalis ang tali sa aking paa. Tumingi ako sa ibabang mga kalaban ko. Agad kong inilagay ang aking kamay sa tapat ng leeg ko at nagsenyas na patay si
