DUMAGUNDONG ng napakalakas ang kalangitan, kasunod ng pagkidlat. Panandalian iyong nagbigay ng liwanag sa buong kwarto ni Gaia, pinapatay kasi nito ang ilaw kapag papatulog na siya.
Ngunit halos maghahating gabi na ay hindi pa rin makatulog si Gaia. Nakatitig lang siya sa kaniyang bintana habang dinig niya ang pagbuhos ng ulan mula sa labas.
Kanina pa siya pa-iba iba ng posisyon para lamang makatulog, pero hindi niya magawa. Muling dumagundong ang malakas na kulog at muling lumiwanag ang buong silid ni Gaia.
Naupo si Gaia sa kama at sumandal sa headboard ng kama. At muli na namang dumagundong ang napakalakas na kulog at kasabay nun ay malakas na pagsigaw ni Zeira mula sa kabilang kwarto. Napakunot ang noo ni Gaia at napaisip na baka takot si Zeira sa kulog.
Kakaharap lang m
