Nakatayo ako sa tapat ng bintana ni Blue. Nagpapahinga. Kita ko mula dito ang view sa labas.
“Ito at inumin mo.”
Napatingin ako kay Blue na tinabihan ako sa pagtayo. Inaabot niya sa akin ang isang bote ng chocolate drink. Napangiti ako saka kinuha ko mula sa kanya pati ang straw nito.
“May chocolate drink ka pala,” wika ko. Pinihit ko pabukas ang takip ng bote pagkatapos ay nilusot doon ang straw saka ako humigop.
Nag-smirk si Blue.
“Binili ko kahapon sa convenience store saka tinabi na muna sa refrigerator,” sabi niya.
“Pinaghandaan mo pala ang pagdating ko,” ani ko saka ngumiti.
Marahang tumango-tango si Blue.
Umiwas ako nang tingin kay Blue. Muling tiningnan ang view sa labas.
“Okay din ang pwesto ng kwarto mo. Kita mula dito sa bintana ang kalangitan at magandang view sa labas
