Shirlie’s point of view
Alas tres ng madaling araw ng maramdaman ko ang paglundông ng kama, tanda na ngayon pa lang mahihiga ang aking asawa. Mahigpit kong naikuyom ang aking mga kamay dahil madaling araw na ito kung pumasok sa loob ng kwarto naming mag-asawa. Madalas na niya itong gawin dahil lagi na siyang nagtitigil sa loob ng library. Minsan pa nga ay inumaga na ito doon. Noong una ay nauunawaan ko naman ang kanyang sitwasyon dahil sa bigat ng responsibilidad nito sa kumpanya ngunit halos isang buwan na niya itong ginagawa.
At ang pakikitungo niya sa akin ay kasing lamig na ng yelo. Madalang na rin siyang makipag-usap sa akin, kakausapin lang niya ako kapag may kailangan lang siya sa akin na labis ko namang kinagagalit. Matinding pagtitimpi ang ginawa ko para lang huwag kaming mag-a
