13
Almost
Shawnna Gaile Arcinue
"Nasaan po si SPO2 Vicente Santos?" tanong ko.
Narito ako sa maliit na presinto ng bayan ng Acacia. Halos kasinlaki lang siya ng apartment na tinutuluyan ko. Kung tama ako ay isang lock up jail ito kaya maliit lang.
Pagpasok sa isang automatic door ay bumungad agad sa 'kin ang front desk na may tatlong pulis. Kaharap nila ang kaniya-kaniya nilang monitor. Sa kaliwang bahagi ay may hallway na kung hindi ako nagkakamali ay papunta sa kulungan. Sa kanang bahagi naman isang pinto na may nakasulat na Chief of Police.
Napaangat ang ulo ng isang matabang pulis mula sa kaniyang binabasang papel para tingnan ako.
"SPO2 Vicente Santos?"
"Ah... ikaw si?" tanong niya.
"Shawnna, Shawnna Arcinue. Nandiyan ba siya o wala kasi kung wala ay aalis na lang ako," sabi
