11
The Twin's parents
Shawnna Gaile Arcinue
Naupo ako sa isang gilid dahil sa pagod. Nandito ako sa rooftop at kanina pa ako paikot-ikot sa campus pero hindi ko makita si Ms. Pangil. Hindi ko na naman maramdaman ang presensiya niya na para bang bula na biglang naglaho na lang.
Naguguluhan man ay desperado na ako. Kailangan kong tapusin ito para naman maging maayos na ang buhay ko. Gusto ko nang magpakasaya.
Napasandal ako sa pader at huminga nang malalim. Ganito pala ang nararamdaman ng mga tao kapag sobrang pagod. Parang hinahabol ang hininga mo. Tagaktak din ang pawis sa noo at likod ko. Daig ko pa ang runner. Mabuti na lang talaga at malakas ang hangin dito sa taas dahil na rin open ang lugar.
Napatingin ako sa pinto nang bigla iyong bumukas. Agad akong tumayo dahil akala ko si Ms
