Alas singko pa lang ay gising na si Diana dahil alam niyang alas otso siya dadaanan ni Elijah. Alam niyang masiyadong maaga ang gising niyang iyon pero sinadya niya talaga iyon para makapamili at makapagsukat ng damit na sa tingin niya ay babagay sa kaniya at siguradong magugustuhan ni Elijah. Isang oras din ang iginugol niya sa pagpili ng susuotin bago siya nakapag-desisyon.
Tapos na siyang mag-ayos at magbihis. Kanina pa siya nakaupo sa sofa pero wala pa rin ang binata. "Kung hindi ka ba naman excited, eh di sana nakatulog ka pa ng maayos." Kausap niya sa sarili.
Unti-unti na siyang nakaramdam ng pagkainip nang marinig niya ang pagbusina ng sasakyan nito. Dali-dali muna siyang sumilip sa salamin bago lumabas. Nang makita siya ay bumaba ito ng kotse. At hindi niya maintindihan ang tuwa
