PAGSASALIN
Gulung-gulongan/adams apple
❣︎ URSULA/2030 ❣︎
Si Saning nga ang aking nakikita sa larawan na nasa malaking monitor. Hindi ako maaaring magkamali. Pananamit at ayos ng buhok lamang ang pinagkaiba.
"Si Saning iyan, ako ay sigurado," walang pag-aalinlangan kong sabi sa kanila.
"Ayon sa nakalap naming impormasyon, Sandra Avamuedo ang pangalan n'ya, Ursula," paliwanag ni Razy.
"Iisa sila ng apelyido ni Aling Lusinda," sabi naman ni Zebe na siyang aking ikinagulat.
"Magkamag-anak sila?" hindi makapaniwala kong tanong.
Napapailing ako sa mga narinig mula sa kanila. Akala ko matatapos na ang lahat, ngunit mas lalo lamang kaming naguluhan sa aming mga nalaman.
Ngunit, mas kinakabahan ako sa aming gagawin kinabukasan.
Nasa harap ako ngayon ng salamin sa loob ng walk-in cl
