Masayang-masaya si David na umuwi sa kanilang boarding house. Pagdating sa kanilang kuwarto ay nadatnan niya si Enver na nakaupo sa kama nito habang malalim ang iniisip.
Nang maramdaman ni Enver ang presensiya ni David ay nilingon niya ito.
Naninibago naman si David sa mood ni Enver. Madalas kasi na masiyahin ito at panay ang pang-aalaska tuwing darating siya.
"Ayos ka lang ba? May masakit ba sa 'yo?" tanong ni David sa kaibigan habang nagpapalit siya ng damit sa harapan nito.
"W-Wala naman. Kumusta kayo ni Dorothy?" tanong ni Enver sabay iwas ng tingin kay David.
"Okay na ulit kami," nakangiti na sabi ni David.
"Talaga? Mabuti naman kung gano'n," nakangiti rin na sabi ni Enver. Ngunit sa mga ngiti niyang iyon ay may lihim siyang tinatago.
Hindi niya alam kung papaano niya ito sasa
