Ilang araw na ang lumipas at hindi na muling nakakapunta pa si David sa bar dahil masiyado siyang maraming ginagawa sa school. Akala tuloy ni Eve ay suko na ito at napagod na. Pero, hindi niya alam ang tunay na dahilan ni David kung bakit hindi na sya pumupunta ro'n.
Papauwi na sina David at Enver matapos ang work nila nang may makita silang kakilala sa labas ng school na pinapasukan nila.
"Teka, 'di ba si Anton 'yon?" Pagturo ni Enver sa isang lalaki na naglalakad.
"Siya ba?" tanong ni David habang pinagmamasdan nang mabuti ang lalaki.
"Parang siya," tugon naman ni Enver habang nakatingin pa rin sa lalaki. Lumingon ang lalaki sa kanila nang mapansin nitonf may nakamasid sa kaniya. Nang makita niya ang dalawa ay kaagad siyang lumapit sa mga ito habang may ngiti sa kaniyang mga labi.
"
