"Siya ba iyong babaeng sumugod sa atin no'ng isang araw?" Hindi makapaniwala na tanong ni Lyka kay David.
"Oo. At saka wala rin naman tayong choice," sagot naman ni David.
"Papayag kaya 'yon?"
"Wala na siyang magagawa kung ako ang humiling sa kaniya. Hindi ko naman ito gagawin kung may iba pang option," sagot naman ni David.
Naglakad sila papasok sa loob ng isang subdivision at tumigil sa tapat ng isang bahay. Sinenyasan ni David na kumatok si Lyka sa pintuan na kaagad naman sinunod ng dalaga. Naka-ilang katok pa muna sila bago inis na inis na pinagbuksan sila ng pinto ni Charlotte.
"Ano ba ang kailangan--Oh, my gahd, David. Sino ang mga iyan?" gulat na wika ni Charlotte habang nakatakip ang dalawang bibig sa kamay at nakatingin sa babaeng buhat ni David. Nang mapalingon siya sa gawi
