Lumipas ang ilang araw at nanumbalik na rin ang lakas ni David. Ngayon ay ganado siyang tinapos ang araw bilang isang guro. Kailangan niyang bumawi at marami pa siyang mga gagawin.
Mabuti na lamang at isang linggo na lang ang natitira para sa part-time niya sa bar.
Ngayon ay nagliligpit na siya ng mga gamit niya sa office kasama si Enver.
"Papasok ka na ulit? Sure ka ba na okay ka na? Mag-aalala sa iyo ang Mama mo," sabi ni Enver na nag-aalala pa sa kaniya.
"Ayos na ako, pre. At saka isang linggo na lang naman na, eh," sagot ni David sa kaniya.
"Okay! Kung iyan ang desisyon mo. Basta kapag hindi mo na kaya 'wag mo nang ipilit nang hindi ka nagkakasakit. Baliwala rin ang kikitain mo sa isang araw kung tatlong araw ka namang may sakit," pagpapaalala pa sa kaniya ni Enver nang matapos si
