Naiwang umiiyak sa library si Charlotte. Sa buong buhay niya ay ngayon lang nagalit nang husto sa kaniya si David. Hindi naman alam ni Enver kung sino ang kaniyang uunahin. Pero, lalaki si David at saka kailangan nitong magpahangin para mabawasan ang init ng ulo nito.
Magkikita rin naman sila mamaya dahil sabay sila sa pag-uwi. Pinanuod niya si Charlotte na parang bata sa gilid dahil nakaupo ito habang yakap ang dalawang tuhod.
Naglabas siya ng panyo mula sa kaniyang pantalon at saka lumapit kay Charlotte para ibigay ito.
Nang maramdaman ni Charlotte ang presensiya ni Enver ay sinamaan niya ito ng tingin.
"Are you going to scold me too?" tanong ni Charlotte. Sa paningin ni Enver ay nagtatapang-tapangan ito pero isa lang naman itong mahinang tupa na hinahanap ang kaniyang pastol.
"Hind
