Panay trabaho na lamang ang inaatupag ko. Nakakapagod din pala ang pagtambay sa bahay.
Hanggang ngayon ay hindi pa rin nahuhuli ang kailangang mahuli kaya hindi pa rin kami pwedeng lumabas. Kailan pa kaya ito matatapos?
"Pinapasundan po ba sila Ploira at ang kaniyang ina?" tanong ko.
Malakas talaga ang kutob ko na alam nila kung saan iyon nagtatago. Baka nga sa property nila na hindi pa exposed sa mga tao.
"Oo, Klej. Kapag umaalis sila ay palihim daw nilang sinusundan ang mga ito," sagot ni Mom. "So far ay wala pa naman daw kakaibang kinikilos ang mag-ina. Si Ploira raw ay laging pumupunta kila Cleyeol."
Sanay naman na akong makita ang dalawa na magkasama. Hindi na ako magtataka kung mamaya ay malalaman ko na kasal na pala sila o may anak na. Kaya ayoko na ring umasa na magkakabalikan
