Natapos na ang isang linggong bakasyon namin. Kahit ako ay medyo nabitin sa paggala. Kailangan pa rin naming umuwi dahil may mga trabaho pang naghihintay sa mga pinsan ko.
Palabas na sana kami ng Airport nang biglang naghiyawan ang mga tao sa labas. Agad akong napaatras at nagtago sa may gilid. Napansin nila Chantal ang ginawa ko.
"Pahingi po ng cap at sunglasses. Hindi pa po pwedeng makita ng mga tao o media si Klej," utos ni Chantal sa aming bodyguards.
Inabot sa akin ang mga gagamitin ko para magtago ng mukha. Sobrang kabado ako ngayon. Hindi pa ako handa na tanung-tanungin ng ibang tao. Hindi pa naman uso ang sa ibang media at tao ang privacy.
"Mauna na muna akong lalabas para mas hindi kayo makilala o mapansin ng iba," paalam ni Seb.
Nang maisuot ko na ang sunglasses at ang iba p
