Nagtatrabaho na ulit ako. Inaasikaso ko ang mga papeles na ipinasa sa akin ni Keiza para sa bagong modelo namin. Siguradong tanggap na rin siya kaya hindi ko na ito masyadong pinoproblema.
Habang nagsusulat ako ng mga kailangan kong gawin ay nag-ring ang aking cellphone. Alas otso pa lamang ng umaga ay may naghahanap na agad sa akin.
Pagtingin ko sa aking cellphone ay nakaramdam ako ng kaba. Ang imbestigador pala namin iyon. Kapag ganito ay hindi ko malaman ang magiging reaction ko. Either may good o bad news talaga silang sasabihin.
"Hi! Good morning!" bati ko sa imbestigador namin.
"Hello, Ma'am Klejerie. Mabuti po at sinagot ninyo agad ang tawag. Ako po ang imbestigador na nirekumenda ni Sir Seb. Mayroon na po kaming matinding pruweba laban sa Adrian po na pinaghihinalaan ninyo.
