Tanya's POV
Nang nag-alisan na ang mga nakikiusyoso sa mga bulaklak na ipinadala sa akin ay bumalik na din ako sa aking pwesto, si Jacob naman ay nananatiling pinagmamasdan ang mga bulaklak na nakalatag sa sahig. Daig ko pa ngayon ang may ari ng isang flower shop sa dami ng mga bulaklak na ipinadala sa akin.
Paano ko ba kasi maiuuwi ang lahat ng ito?
Pagkapasok ni Jacob sa opisina ay nagsimula na akong magtrabaho ng may ngiti sa aking labi, hindi ko maintindihan pero sa tuwing pagmamasdan ko ang mga bulaklak ay napapangiti ako at kinikilig, parang bigla na lamang naglaho ang lahat ng galit na aking nararamdaman habang pinagmamasdan ko ang mga bulaklak sa aking paligid.
Sa tuwing pagmamasdaan ko ang mga bulaklak na ito ay ang mukha ni Isaac ang nakikita ko?
Kay Isaac nga kaya nanggal
