Chapter 9: Leon
Matapos kong malaman ang masalamuot na buhay ni Stelian ay nasabi ko sa aking sarili na siya ang lalaking kailangan na pasayahin ngunit hindi ko alam kung paano. Lalo pa't hindi ko alam kung paano dapat i-approach ang mga bampira.
"Handa ka na ba, Alex?" Tanong ni Charlie sa akin.
Napatingin ako kay Denrek at sa kanya, "wala dapat akong ipangamba, handa na akong makinig." Si Leon lang naman yon eh at wala akong pakialam sa buhay niya.
"Si Leon ay anak ng isang pagkakamali." Panimula ni Charlie. Ang buong akala ko ay si Denrek ang magku-kwento ngunit pinabayaan ko na lamang siya. "May isang birhen na babae noon na naging bampira gawa nang ito'y mabiktima. Nagkaroon ito ng malakas na kapangyarihan ngunit ang babaeng bampira ay sobrang mapanaganib. Kaya nitong pumatay n
