Nette POV
NANGHIHINA ako sa paghahanap ng trabaho dahil lahat ng pinagtanungan ko hindi tumatanggap. Napahirap pala ang humanap ng trabaho kapag hindi ka nakapagtapos ng pag-aaral, laging diploma sa kolehiyo ang kanilang hanap at dahil wala akong maipakita ay hindi ako natatanggap. Nakakapagod ngunit hindi ako dapat sumuko dahil para ito sa amin ng ate.
Malapit na ang pagtatapos ng hapon ay wala pa rin akong napapasukan, wala akong kain dahil ubos na ang baryang nasa aking bulsa at naglalakad lamang ako dahil wala rin akong pambayad sa kahit anong sasakyan.
Ngayon alam ko na kung bakit tutol si Sister Monica sa aking pag-alis sa kumbento dahil lagi niyang sinasabi sa akin na napakahirap ng buhay sa labas at napakahirap makasurvive sa totoong hamon ng buhay.
Napatigil ako sa paglalakad
