Nette POV
AKO'Y napangiwi nang maimulat ko ang aking mga mata dahil bumungad sa'kin ang larawan sa kisame. Patawarin nawa ako't napunta ako sa ganitong lugar. Hindi ko alam kung ito'y parusa o biyaya sa akin.
Naalala kong nawalan ako nang malay kung kaya't napatingin ako sa paligid. Makalat pa rin at nandoon pa rin ang mga halos hubad na larawan na nagmumula sa iba't ibang aklat. Ang ikinasasakit ng aking ulo ay ang wallpaper na nakalarawan sa buong silid ay tulad rin ng mga larawang nasa libro.
Ako'y nagkakasala at sa ipinapangako kong kapag ako'y nakabalik sa kumbento ay ang magkumpisal ang unang una kong gagawin. Nahahabag ako sa nakikita ng aking mga mata. Tahimik ang paligid kung kaya't napagpasyahan ko na bumangon.
Nang makaupo sa kamang kinahihigaan ko na ay napatingin ako sa
